Husnes_Vekst_31.03.11Husnes_Vekst_31.03.11Husnes_Vekst_31.03.11Husnes_Vekst_31.03.11
  • Heim
  • Om oss
    • Arbeidet vårt
    • Visjonen vår
    • Historien
    • Styret
    • Dokument
  • Medlemskap
  • Om Husnes
    • Fakta
    • Historien
    • Mat og overnatting
  • Nyhende
  • Lenkjer
Her trengst det avløp!
17. november 2016
Investerer over 30 mill på Husnes: 22 nye leiligheter – og ny hotelldrift
20. januar 2017

Ny idrettshall i 2019

3. desember 2016

Idrettshall1

Den planlagte nye idrettshallen på Husnes kan stå ferdig allereie i 2019. Det er klart etter at formannskapet har gjeve grønt lys for prosjektet.
Når kommunestyret også seier ja på julemøtet sitt, er det full fart framover.
Prisen på hallen er rekna til 85 millionar. Prosjektet har mangla 17 millionar for å vera fullfinansiert, men det ser no ut til å vera på plass, skriv Kvinnheringen.
– Både Høgre og Senterpartiet er innstilte på at vi vil fullfinansiera hallen i denne perioden, seier ordførar Peder Sjo Slettebø til avisa. Ordføraren reknar med at saka kjem opp og blir vedteken i budsjettmøtet i kommunestyret før jul, slik at prosjekteringa kan starta opp. Håpet er at hallen kan stå ferdig i 2019.
Slettebø har ilag med Knut Prestnes, Gunnar Våge og Merete Lillesand sete i styringsgruppa, som har fått utarbeidd eit forprosjekt.
Kommunen går inn med totalt 40 millionar til hallprosjektet. Resten vert finansiert av spelemidlar (15 mill.), dugnad, tilskot, gåver (13,5 mill.) og momskompensasjon (16,5 mill.).

Glad Trio-leiar
Leiar i Trio, Knut Prestnes, er glad for at det no ser ut som at finansieringa av den nye hallen snart er på plass.
– Ja, vi har fått klare meldingar frå fleirtalet om at kommunen bidreg med å fullfinansiera hallen. Det klare målet vårt er at den nye hallen skal vera oppe og stå sommaren 2019. Med eit sterkt engasjement frå kommunen er det eit realistisk mål, seier Prestenes.
Han meiner dette er eit spennande prosjekt, ikkje berre for idretten, men for heile Kvinnherad.
– Dette blir ei storstove som kan nyttast av mange til ulike ting, seier Prestnes. Han meiner den nye hallen vil føra til at skuleområdet blir bilfritt, og vil dermed gje betre trafikktryggleik.
– Dette er ei stor investering som vil skapa mykje positivitet, spår Knut Prestnes.

(Kjelde: Kvinnheringen)

Husnes Vekst

Husnes Vekst er ein frivillig organisasjon som ønskjer å ivareta Husnesområdet sine interesser og å vera pådrivar for ei positiv utvikling. Husnes Vekst arbeider for at Husnesområdet blir eit slagkraftig regionsenter for industri, handel, service, reiseliv, skule, idrett og kultur. Organisasjonen driv aktivt arbeid for eit godt bu- og livsmiljø for innbyggarane i Husnesområdet.

Kontakt

Husnes Vekst
Postboks 170
5480 Husnes

post@husnesvekst.no
Kontonr.: 3520.67.57254
Org. nr.: 971 356 545

Siste artiklar

  • Ny optimisme på Husnes
    18. mars 2021
  • Innkalling til årsmøte
    5. mars 2021
  • Arne Alsaker er død
    4. mars 2021
  • Ber om støtte til marknadsføring av regionsenteret
    16. november 2020
  • Seniorsenteret Husnes kjem!
    13. november 2020
  • 250.000 kroner frå sparebankstiftinga
    12. november 2020
  • Reagerer på kommunal tildeling av midlar
    11. november 2020
  • Ny veg vil utløysa 40 dekar byggjeland
    11. august 2020
  • Arbeidet med regionsenteret må styrkjast
    5. juli 2020
  • Innkalling til årsmøte
    4. juni 2020

Husnes Vekst
Postboks 170
5480 Husnes

E-post: post@husnesvekst.no
Kontonummer: 3520.67.57254
Org. nr. 971 356 545