Visjon for Husnes

Husnes - inkluderande, nyskapande og urban

Inkluderande

Eit inkluderande Husnes tilrettelegg for alle aldersgrupper og samfunnslag. Vi snakkar om det fysiske; at ein i rullestol eller ein som køyrer barnevogn lett skal kunne bevege seg rundt på alle offentlege stader. Det skal også vera trygt å vera liten eller gammal. Gode gangstiar til alle fasilitetar som skule og butikkar må tilretteleggast. Alle grupper må kunne føla seg velkommen i dei ulike offentlege rom. Ein må kunne bevege seg i sentrum også på kveldstid og ikkje låsa av sentrumsområdet.

Nyskapande

Eit nyskapande Husnes må følgje med utviklinga og tenkja framover. Ein må planleggja for morgondagen. Energi kjem til å bli eit viktig tema framover og det må Husnes planleggja for. Å nyttegjere seg spillvarme frå SØRAL er ei løysning. Det vert stilt større krav til bygningar og energibruk i framtida.

Urban

Her tenker ein at ein skal bruka urbane strategiar for utvikling av Husnes sentrum. Eit urbant Husnes tilrettelegg for at bilar og menneska effektivt skal kunne flytta seg. Gode vegar med oversiktlege vegkryss, gode parkeringsplassar og tilrettelagt felt for gåande og syklande er viktig å prioritera. Ein urban stad har gode møteplassar både på dags og kveldstid.