Ny eigar i innsida.no

Husnes Vekst vil gratulera Kristian Hus med salet av innsida.no, samtidig vil vi ynskja Haugesunds Avis velkomen som ny eigar av Kvinnherad sin første nyhendeleverandør på nettet. Vi reknar med at Haugesunds Avis sitt oppkjøp er eit signal om vidare utvikling av nettstaden og ikkje minst; auka fokus på den positive utviklinga i Husnesområdet og elles i Kvinnherad.

 
Kristian Hus har bygd opp to medieverksemder gjennom sine mange  år som medieperson i Kvinnherad. Både Kvinnheringen og innsida.no framstår som medieverksemder med lokalt særpreg, stort engasjement for lokalsamfunnet og dyktige tilsette. Begge er dominerande på kvar sitt område. Kvinnherad har hatt og har mange dyktige personar innanfor mediebransjen, men Kristian Hus står i ein særstilling med sin innsats som journalist, redaktør og gründer.